Biryńǵaı jınaqtaýshy zeınetaqy qorynyń Batys Qazaqstan oblystyq fılıaly oblys turǵyndaryna  zeınetaqy jarnalary men  zeınetaqy qory  usynatyn  elektrondy servıs jáne  zeınetaqy jınaqtary men tólemderiniń   elektrondy nusqasyn  tanystyrdy.

-Sońǵy jyldary aqparattandyrý tásilderi aıtarlyqtaı keńeıdi. BJZQ ýaqyt talabyna saı damyp keledi. Qashyqtyq arqyly qyzmet kórsetýge eseptelgen kóptegen jańa elektrondyq servıs túrleri qoldanysqa engizildi. Endi keńsege baryp, kezekte turmaı-aq qyzmet alyp, ýaqyt  únemdeýge bolady. Zeınetaqy shotynyń  jaǵdaıyn úıde otyryp-aq  uıaly telefon arqyly da qadaǵalaýǵa bolady. 2017 jyly Qordaǵy elektrondy operasıalarynyń kórsetkishi 52 paıyzǵa jetti. Mundaı qyzmet túrlerin biz odan ári jetildire bermekpiz. Sıfrlandyrý – sán qýý emes, bul bizdiń ómirimizdi barynsha qolaıly etetin ýaqyt talaby. Sondyqtan biz jurtshylyqty bul múmkindiktermen keńirek tanystyrmaqpyz.  Qysqasha toqtalar bolsam, qazir zeınetaqy jarnalaryńyzdy elektrondy poshta arqyly ǵana emes, Qor saıtynda jeke kabınet ashý arqyly, EGOV.KZ elektrondy úkimet portaly arqyly da alýǵa bolady. Elimizde zeınetaqy jarnalarynyń úsh túri bar. Onyń birinshisi, mindetti zeınetaqy jarnalary. Ony jumys berýshi qyzmetkeriniń aılyq tabysynyń 10 paıyzy kóleminde zeınetaqy qoryna aýdaryp otyrady. Ekinshisi – mindetti kásibı zeınetaqy jarnalaryn jumys berýshi zmándy jaǵdaıda jumys isteıtin qyzmetkerlerdiń esepshotyna aılyq tabysynyń bes paıyzy kóleminde aýdarady. Al, úshinshisi- erikti zeınetaqy jarnasy. Óziniń zeınet kezeńin josp arlap, qarttyq shaǵyndaǵy qajettilikterine qarajat jınaýǵa daıyn azamattarǵa arnalǵan. Jarnanyń bul túriniń  somasyn salymshy óz yqtıaryna qaraı belgileıdi,- dedi «BJZQ» AQ Batys Qazaqstan oblystyq fılıalynyń dırektory Qaırat  Ihsanov.